主页 > 医药新闻 >将心比心,听清楚人地讲咩先啦。 >

将心比心,听清楚人地讲咩先啦。

将心比心,听清楚人地讲咩先啦。

唔知係咪人经历紧啲咩事就会睇到啲咩嘢,最近我各个社交网站同论坛都充斥住关于前度嘅嘢。

有人等紧复合;有人复合成功;有人最后都分左手;亦有人选择move on,总之就五花八门,你谂到嘅剧情都有可能发生。

咁啱有个post话男朋友对ex就随传随到,对自己就帮手买个沙冰都唔得,睇完真係心有戚戚焉,之不过我嘅应对方法同楼主又有啲唔同。

无错,如果身边人对前度同对你嘅态度係完全不一样,甚至更好,你一定会质疑佢係咪爱前度多过爱自己。要推到去呢一步嘅时候先停一停,俾个例子:身边人试过去接前度放工玩惊喜,但到同你一齐时佢从来都唔会係公司楼下等你,宁愿直接约去餐厅或者地铁等。你肯定觉得好不满好妒忌,又质疑点解人地有我冇,身边人係咪爱前度多啲?

真心,比嚟都无谓,因为得不到的永远都更矜贵。不过呢样都冇咁重要,最重要嘅係:

你有冇将心比心,听清楚佢讲过嘅说话?

原来身边人俾惊喜前度嘅时候得到非常唔好嘅反应,令到自己非常难受,因此佢唔想再做相同嘅事去勾起一啲经历过嘅感觉,佢唔想再俾人拒绝。

俾多个例子,我曾经应前度要求去整爱心甜品俾佢食,我唔识仲专登去学。点知出到嚟冇街买个啲咁靓咁好食而被嫌弃,我自此就唔再整任何甜品俾人食,除咗因爲唔识唔叻以外,我唔想再有人糟蹋自己嘅心意。

睇到呢到,明未?唔係佢唔爱你所以唔做,而係佢想保护自己。就算俾你逼到佢去做啲佢好抗拒而又唔係为对方好嘅事,佢会开心咩?你可能反驳啲咩爱一个人就係要无条件为对方付出嫁啦。真係对唔撚住,佢爱你所以佢会满足你,但你会唔会自私咗啲?你根本就只係想满足自己嘅虚荣心又或者填补自己因妒忌而产生嘅不安。你有冇谂过对方会有几难受,人地都讲到明有阴影所以唔做仲要夹硬逼人,佢唔接你放工就等于唔爱你嘅,咁其实你又识唔识去爱佢?

女人无嘢叻,逼身边人就範最叻。俾你真係逼到又点?佢只会不停忍,直到有一日佢忍唔住就会一脚飞开你,到时真係喊都无谓。

相关推荐